கடந்த 2022 ஆம் ஆண்டு மே மாதம் 18-ஆம் தேதியன்று இலங்கை நாடாளுமன்றத்தில் நடைபெற்ற விவாதத்தின்போது உரையாற்றிய போதே அவர் இந்தக் கருத்துக்களைத் தெரிவித்தார்.
அப்போது அவர் மேலும் குறிப்பிடுகையில், “இலங்கையில் நீங்கள் ஏற்கனவே தமிழர்களை இழந்துவிட்டீர்கள்; தமிழர்களுக்கு எதிரான யுத்தத்திலே கூட உங்களோடு நின்ற முஸ்லிம்களின் உரிமைகளையும் மறுத்து அவர்களையும் இழந்துவிட்டீர்கள். இன்று உங்கள் சொந்த சிங்கள மக்களையும் இழக்கத் தொடங்கியிருக்கிறீர்கள்” என்று சுட்டிக்காட்டினார்.
தொடர்ந்து பேசிய அவர், நாட்டின் அரசியல் நிலைமைகள் காரணமாக சொந்த மக்கள் விரைவில் வன்முறையைக் கையில் எடுப்பார்கள் என்றும், அது தன்னிச்சையாகவோ அல்லது யாரோ ஒருவரின் தலைமைத்துவத்திலோ விரைவில் நடக்கும் என்றும் எச்சரித்தார்.
அப்படி மக்கள் வன்முறையில் ஈடுபடும்போது அதனை ஜனநாயக விரோதமான செயல்பாடு என எவரும் கூக்குரலிடக் கூடாது என்றும், உண்மையில் இந்த நாடாளுமன்றத்தின் மீது மக்கள் நம்பிக்கை இழந்த பின்னரும் இங்கு நாம் தொடர்ந்தும் எதையோ செய்துகொண்டிருப்பதுதான் உண்மையான ஜனநாயக விரோதம் என்றும் கஜேந்திரகுமார் பொன்னம்பலம் நாடாளுமன்றத்தில் ஆவேசமாகக் குறிப்பிட்டார்.
நாட்டின் ஒட்டுமொத்த சமூகங்களையும் இழந்துவரும் தற்போதைய அரசியல் சூழலில், நாடாளுமன்றத்தின் மீதான மக்கள் நம்பிக்கையின்மை மற்றும் எதிர்காலச் சவால்கள் குறித்து கஜேந்திரகுமார் பொன்னம்பலம் விடுத்த இந்த எச்சரிக்கை அப்போது பெரும் பரபரப்பை ஏற்படுத்தியிருந்தது.
About The Author
